Egile berarenak:
HILDA DAGO
(2007)
BIHOTZAREN GEOGRAFIA
(2007)
GURE BELAUNALDIA
(2007)
ETA GOIZEKO BEDERATZIETAN
(2009)
URA EZ DAGO HORREN BEROA ERE
(2009)
ACHTUNG!
(2009)
GORRIZ
(2009)
ORDUAK
(2009)
MUNDUAREN EGOERA
Beņat Sarasola , 2007
Jende guztiak gordetzen du
joandako amodioetako
oroitzapen baliagarriren bat.
Keinu bat agian,
itsasertzeko irudi bat,
melodia epel bat
besterik ez bada.
Gerra dorpeenetan ere
beti erdiesten bide da
akordu eredugarririk.
Baina esan didate horretan ere
zu ez zarela
gainontzeko guztien lakoa.
Iragana suntsitzeko gai zarela
inolako ausikirik izan gabe gero.
Ahanztura borondatezkoa dela zuregan,
presentean atxikirik,
ez dituzula jada
nik kutsatutako hitzak erabiltzen,
"entraņablea" edo "lelo" adibidez.
Non laga dituzu behialako arropak?
Zein koloretako kontainerretan
bota dituzu plastikozko lore ximeldu haiek?
Zein ispilutan konprobatzen duzu orain
munduaren egoera?
Istant honetan bertan
non zara?
zer ari zara ospatzen?
Ni?
Ni hemen naiz,
hemen egongo naiz,
zure balizko musuak
masailean karminez pintatzen.
© Beņat Sarasola
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |