HORMAK LAU

        Mikel Etxaburu , 2011

zazpiehun eta hogeita hamar gau

lau horma

(kulunkatzen ikasi dut

armiarmak izarrei begira jartzen direnean

kantoietako amaraunetan)

hamazazpi mila laurehun eta hogei ordu

hormak lau

(burkoan gorde ditut

leiho aurrean inoiz geratu diren hodeiak)

bi mila bederatziehun eta hogei errekuento,

lau horma,

(folio zurira deitu ditut

baretu ezin ditudan enbatak)

bi milioi errekuerdo

hormak lau

(ezintasuna beti da

bat gehiago)

bat eta bakarra malkoa

lau horma

(barroteak estaltzen dituen

gortina berdearekin sikatu ezin dena)

pozik nago

hormak lau

ordu aldaketa tokatzen da

gaur goizaldean

ordu bat eman egunari

eta hasperen bat kendu gauari

pozik nago

lau horma

baina ez da nahikoa

milaka udaberri beharko nituzke-eta

lore bakar batean sinesteko

hormak lau

zazpiehun eta hogeita hamar gau

© Mikel Etxaburu