A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

IBAR EZKERRA
      (1984)

ITSASTXORIEN BINDIKAPENA
      (1984)

AUTOBIOGRAFIA
      (1987)

ZUEN AHOTS ISILA
      (1988)

OKARANA
      (2010)

SABAKO ERREGINA
      (2010)

DENA DA HARAGIA
      (2010)

HATOR ENE ALBORA
      (2010)

USAINAK
      (2010)

  literaturaren zubitegia  

 

BILBAO MARITIME MUSEUM (2)

        Omar Nabarro , 2010

 

 

Lepoaren ingeniaritzak dituen misterioak:

gurago ditut sujetadorearen uhal

leun koloreko mehe soka antzekoek

haragi hezurretan itsasontzietako

aparailuen modukoak eraikitzen dituztenean

ze eman dezagun Museoko

kafetegiko barran zagozela iluntzez

basoa esku batean zigarroa bestean

niri lepoa emanda barrari eusten

neure begiei erakusten non dagozen belak

non haize-oihalak galdetzen legez

zein kresal- edo haize-esku luzatu behar dizudan

nire ahoak zure azal uretan nabiga dezan erdiesteko.

Eta halako batean lepoa arteztu eta soketako bat

bere lekura eroaten duzularik burua itzulita

bertako portuetara jotzerik izango ez dudan

haragialde baten promesa erakusten didazu

alkandoraren botoi askeek iradokia

ezein maparen premiarik ez duena

                                                      eta bazoaz.

 

© Omar Nabarro    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko