A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ENE GORPUTZ ETA AZALEZ
      (2012)

JAIO NINTZEN EME
      (2012)

MAITE DITUT ZAKILAK
      (2012)

ASKO IBILI OHI DIRA
      (2012)

ETA EGIN BARRE LASAI
      (2012)

  literaturaren zubitegia  

 

EZEREZA HUTSA BADA

        Ione Gorostarzu , 2012

 

 

Ezereza hutsa bada

          hutsa arina bada

eta arina erraza

          ez dut ezer izan nahi

 

Eta bukaera gelditzea bada

          gelditzea atsedena

eta atsedena atsegina

          bukatu egin nahi dut

 

Eta joatea agurtzea bada

          agurtzea isiltzea

eta isiltzea lasaitzea

          joan egin nahi dut

 

Eta heriotza loa bada

          loa ametsa

eta ametsa askatasuna

          hil egin nahi dut

 

Baina hiltzea uztea bada

          uztea baztertzea

eta baztertzea mintzea

          ez dut hil nahi

 

Eta joatea hastea bada

          eta hastea saiatzea

saiatzea nekatzea

          ez dut joan nahi

 

Eta bukatzea etsitzea bada

          etsitzea galtzea

eta galtzea umiltzea

          ez dut bukatu nahi

 

Eta ezereza gaua bada

          eta gaua iluna

eta iluna beltza

          zerbait izan nahi dut

 

© Ione Gorostarzu    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko