A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

ARGI-ZUZIAREN ZELATA

        Hasier Larretxea , 2011

 

 

Argi-zuziaren zelata

behe-laino zingiratsuan.

 

Larruak, adarrak, lumak,

iragan baten emaria

etorkizuneko uharretan.

 

Betiereko objektuen isiltasuna,

berezko heriotzaren esku.

 

Oinatzetan birrintzen da

biloa herrestaka daroan orkatilaren errituala.

 

Zeozer suntsitzen da eulia pausatzerakoan.

 

Lizuna arterian. Zelatan diren

kantoiak.

 

Mentura, atsekabetasunaren

ispilu.

 

© Hasier Larretxea    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko