A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ABIOIEN ISATSEK AIREAREN ESKELETOA DIBUJATURIK
      (1975)

BAINA
      (1976)

ZUEK EZ DAKIZUE
      (1976)

ILUNEKO HAMABIETAN
      (1977)

NIRE IBAIA
      (1989)

HEMENDIK IDAZTEN DUGU
      (1989)

HAN
      (1989)

PINUDI BATEN ERDIAN KANPOSANTUKO NUARBE
      (1989)

HASPEREN
      (2006)

ETXEA
      (2006)

AULKI HUTSA
      (2006)

  literaturaren zubitegia  

 

SORTZEAREN MENTURA

        Koldo Izagirre , 2006

 

 

Egun besoan eduki zaitut

alaba eduki dut egun besoan

erizainek irribarre egin didate

ene gatza ene kurkubita

eta erre batean hasi zarelako marruka

irribarrez kendu didate kontuz

kontuz esan diet papardo hau itsasora

 

zertarako haur berri bat mundura?

lagunen galderak nolako mindura!

ez daukat beste erantzunik:

berak nahi zuen, guk genuen gura!

 

bazen bat garrasika hasi dena

atera behar izan du aldameneko ohekoak

bazen bat agoantatu ez duena

salatu du eta orduan zure amak

malkoak ezin leherturik

neu nintzen

 

zertarako haur berri bat mundura?

lagunen galderak nolako mindura!

ez daukat beste erantzunik:

berak nahi zuen, guk genuen gura!

 

tornuari eragin dio

sehaska sortu da paretatik zu eskainiz

hartu zaitu

bular gainean ipini zaitu lo

zure berotasuna behar du

zure taupaden metronomoa behar du

zure ama jaioberria da

 

zertarako haur berri bat mundura?

ez daukat beste erantzunik:

berak nahi zuen, guk genuen gura

berarekin sortzearen mentura

 

© Koldo Izagirre    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko