ERRUSITIK...

        Federiko Krutwig , 1952

Kanta itzazu gure kantak!

Errusitik jin kantetan!

uhinek lez itxasotan

kanta itzazu gure minak.

Kantuetan maitarzunak

bizi dira bihotzetan

gurasoen gogoetan

haurren kantak dira Tzarak.

Jo ezazu, balalaika!

haren kordak gure barnan

soinu baitu erostaka;

soinu hunen harmonian

gure penak' urrumaka

neitzen zaizku ezarian.

© Federiko Krutwig