A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

GURE BELAUNALDIA
      (1998)

EKAINEAN HASTEN DA UDAZKENA
      (1999)

MAKALA GURE ESPERANTZA
      (1999)

  literaturaren zubitegia  

 

ZURE BILA ITSASOA BIDALIKO DUT

        Jose Luis Padron , 2002

 

 

Zure bila itsasoa bidaliko dut

bazkalorduetako musu zimelduak

hitzik gabeko oihu egiten edo

xuxurlatzen nire birika kikilduekin edo

haien arratsalde libreekin zinematik

irteten diren ume ergelak zure bila

amodiozko solasik txatxuenak

itsasoa bidaliko dut zure bila

kamarero baten pentsamendu zinetan lizuna

hamasei urteko bonsai baten ura

itsasoa besoak maindireak

tabernako izotza bidaliko dut

atsoaren esku zuriak

eta puntetan urdintzen hasiak

aspaldi mututako itzalak

zure bila ezin pagatuz nabilen

bihotz bentiladore alkilerra

txanponak kontatzen dizkidan

ogi saltzailearen irribarre lotsagarria

bidaliko dut zure bila

heroina agonia argalduak

ikasle edukazio katoliko onekoak

nire lankide maite adardunak

psikiatra-bulego txiki bateko

amesgaiztoen infinitua

bi jarleku eta hiru hankako mahai luzea

hodeiertza

itsasoa bidaliko dut

etxeko guztien arropa zikina

pentsionisten kinielak

ministroen automobilak

gehiegi makilatu duten ezkonberria

baita distantzia handiak ere zure bila

amets zahar eta gosetuan begirada txepelak

lainoak nahigabeak disgustuak

ertzain gorriak eta berdeak

eta marroiak eta beltzak

eta marinel amodioak

itsasoa bidaliko dut

haserre dela

zure bila itsasoa.

 

© Jose Luis Padron    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko