A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

BILBO
      (1990)

LOALDI ETERNOAN
      (1990)

BAITA NI ERE
      (1992)

  literaturaren zubitegia  

 

EGINGO DUT IHES

        Joanes Urkijo , 1990

 

 

Kale huts eta oihartzunez beteriko honetan

azkeneko barrikadan galduriko amets zimela aurkitu dut

zuhaitz erraldoietan bere sustraiak erajota

baina ez da orain berriro jasotzeko tenorea

ez eta ere txakur deslaiak berriro izango

ekaitz elektriko haiek iratzarriak

 

Eta kale barrenean hiriaren harresian

zentinela nekaezina inularrean itzala

gorribeltzean ezabatua eguzkiaren sarean

Hitzik barik bere ezpainek esan didate

sekula ez duk Praga ikusiko

ez oh ez eta ere haren mila dorreak

 

Eta ez dela orain berriro jasotzeko tenorea

hiriko asfaltotik aintzinako arrastoak

eta agian gero gaua oldarka etortzean

zaldi zurian asapalan joango naiz

mailukizko zeruan zazpi burudun izarrak

eta nire oinpetan urtuko eulibeltzak bailiran

Ikaroren hegaletan egingo dut ihes

Pragara Pragara Pragara

 

© Joanes Urkijo    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko