UMEA, GIZONA DATORKIZULA!

        Jon Arano , 2007

Nire aita hil egin zen,

denbora askorako hil ere,

zorria baino pobreagoa izan zen,

eta gainontzekook ere, zer?

Jada ez dugu amesten

balizko etorkizun oparoago batekin,

iragana aldatzearekin baizik,

ez dugu gizondu nahi,

gizonaren bisita pairatu dugunok.

Behialako ume umiliatua

gaur egungo gizon zikiratua.

Iraganak gaitu gobernatzen

eta gabiltzan gabiltzanok erne.

Jauna dut artzain

ez naiz ezeren beharrean...

Ez naiz beldur

nire Bide Onean...

Ez korri egin, Aita:

zatoz trenean,

ez AHTean...

© Jon Arano