A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ERANTZUKIZUNA
      (1998)

BISITA
      (1998)

BIZITZAREN KEA
      (1998)

  literaturaren zubitegia  

 

IRRATSAIAK

        Xabier Izaga , 1998

 

 

Hogeita zortzi egunean ur botila besterik

        ahoratu ez dugula

nekez eraman dugu dutxaraino

        geure ahultasuna.

 

Film triste baterako eszena aproposa

        eratu dugu segurki, hala ere,

musika hunkigarririk

        ezean,

barre egin dugu elkarren biluztasun

        penagarria ikustean,

eta gutariko batek esan du makurtzen garelarik

        gure ipurmami mami bakoek

behien atzealdea diruditela, eta

        barre egin dugu atzera.

 

Ondoren irratiz entzun dugu otartekoak

        jaten ditugula ezkutuan, eta

beti minberati, mindu egin gara

        hogeita zazpi egunean

 

gure gosearen berri eman ez duen irratiari

        kargu hartuta,

ez baitugu informazio arautegi deontologikoaz

        tutik ulertzen.

 

Berehala, ordea, aspaldion gogoa betetzen

        diguten

oroitzapen urrinei eutsi diegu

        berriz ere.

 

—Kafekoletxe zopakaz —esan du norbaitek.

        Eta barre egin dugu.

 

© Xabier Izaga    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko