JUDASEN ARBOLA

        Edu Zelaieta , 2002

Bihotz itxurako hostogalkorrak.

Idurizko amodio-zuhaitza:

Bertan egingo nuke lepo

Maite zaitudala.

Hemen ez bazeunde,

zure hutsa sumatzen dudala

esan nezake.

Hemen ez bazeunde,

Zu nirera etortzeko irrika

Izan nezake.

Hemen ez bazeunde,

Zu gabe ezin naizela bizi

Aldarrika nezake.

Hemen ez bazeunde,

Zure gorputza izerditan blai

Desira nezake.

Hemen ez bazeunde,

Hau bezalako hamaika olerki erromantiko

Konposa nezake.

Hemen ez bazeunde, bai.

Zeren eta orain hementxe zaude

Eta ni mutu eta geldi nago,

zu noiz aldenduko zain.

© Edu Zelaieta