A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ZURRUNBILOA
      (2001)

HAUTU TXIKIAK BIDEA EGITEN DU
      (2001)

HAN DENA ERRAZAGOA DA BETI
      (2001)

ORBEL ZAKU BAT
      (2003)

HASTAPENA
      (2010)

PUEBLO
      (2010)

LIBRE IZATEA ("Y" BELAUNALDIA)
      (2010)

NIRE ETXEA
      (2010)

  literaturaren zubitegia  

 

LAU POST-IT 21. MENDEAN
POEMA LIBURU BAT IDAZTEKO

        Jon Benito , 2010

 

 

1

 

Paul Eluard 1952an hil zen,

Alejandra Pizarnik 1972an,

W.H. Auden 1973an,

Gabriel Aresti 1975ean,

Vladimir Visotski 1980an.

Denak ni jaio baino lehenago.

 

 

2

 

Harremanez, lagunez,

ideologiaren galeraz, diruaz,

mugikorreko elkarrizketez,

etorkizunarekiko dudan beldurraz,

auzoaz eta nire herriaz,

maiteminaz eta sexuaz,

gertatzea nahi nuenaz eta gertatu zenaz,

ikusten dudanaz, sentitzen dudanaz...

 

 

3

 

Fikzio susmagarriki

sinesgarri bat egin,

paper gainean jarri

eta zatikatu, artifizioz,

baina literaturaren makulurik gabe,

poemak ez diren poemetan.

 

 

4

 

Nola ez izan aspaldiko?!

Nola ez izan besteren kopia?!

Nola ez izan kitsch edo collage?!

Nola ez izan monotono eta monologo?!

Nola ez izan nahaspila ulergaitz?!

Nola ez izan artifizial, pertsonal,

dramatiko, ironiko, faltsu,

kontraesankor, fribolo?!

 

© Jon Benito    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko