HILKORRA EZ BANINTZ

        Angel Erro , 2002

Hilkorra ez banintz,

ez baneki noizbait isilduko naizela,

ez nuke zertan mintzaturik.

Hemengoa ez banintz,

hain hemengo nola hodei gris herrariak,

ez nuke zertan euri hemen.

Gizona ez banintz

eta halere tasuna ez balidate ukatuko,

ez nuke zertan nabarmendu.

Ezezkoa ez banintz,

erantzun guztiak ez banitu zapuztuko,

ez nuke zertan galdeturik.

© Angel Erro