A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

SOUVARIN IZENEKO MOSKUTARRA

        Aritz Gorrotxategi , 2002

 

 

Souvarin izeneko moskutarra

Portura joan zen Hiriaren bila

Latorrizko farolek argiztatzen zuten egurrezko

 

Itsasontzi batean

Lo zegoen Hiria

Aspaldiko lagunak ziren biak

Baina Moskukoa suzko mehatzetan itsutu zenetik

Nihilistek eginiko liburuak irakurtzeari ekin zion

Eta ardo kopari «maite nauzu» galdezka bizi zen geroztik

Heriotzaren makinekin jolasean

 

Gau osoan zehar egon zen malekoi inguruan

Hiria noiz agertuko zain

Harik eta hark burua altxatu zuen arte

Eta Itsasontzi txikian nagusitu zen Hiriaren

Silueta erraldoia

Orduan topatu ziren aurrez-aurre

Hiria eta Souvarin zaharra

 

Ezpainetan musu eman zion Hiria

Begiak ireki eta irribarre bat eskaini zuen Hiria

«Apokalipsiarekin amets egin dut» esan zion

Behatzekin etxebizitzetako kristal beltzak igurtzi bitartean

Souvarinek lepoa erdibitu

«Badakit, hiri, badakit»

 

Gainontzekoa plutonioak egin du

 

© Aritz Gorrotxategi    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko