OLERTI

        Juan Inazio Goikoetxea, Gaztelu , 1961

Zerurantz doan egaketa arin,

len beltz ba'zan ere orain oztin,

ta gezi zorrotz elburutzat osin,

eziñera bide amets egamin.

Argi? margo? gezi? ala ego?

eta mintzoan oiartzun betirako

Diana'k esku-eragiz uztai alako,

izarren bidastean aztarren edo.

Eta aratz (or ere nunbait ispillu

etziñalde-argiz barnea dizdizu,

urre-errauts ukieziñaz subizgu,

ez odol-erio, adirnen-sukatillu...)

Orla nabari bekit ire eskutan

betidanik darion Itza sutan.

© Juan Inazio Goikoetxea, Gaztelu