A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

BI + BI EZ ZIREN HOGEITA SEI BAIZIK

        Xabier Galarreta , 2002

 

 

Hezurkiak nonahi sakabanaturik,

lurrari kolatuta,

hantxe inmolatu izan balituzte bezala;

noizean behin, lurra inarrosi egiten zen

baina hezurkiek lur azalari

tinko atxikita zirauten.

Ilundegian eroriak ginen

eta izotz geziek zeharkatzen zuten

 

gure haragi zimel eta beratza,

poliki-poliki haragi-puskak

gorputzetik jaulgitzen hasi zitzaizkigun arte.

Ahotik hitzak eta organuak ere

jario zitzaizkigula,

gure desira nahikotzea erabaki genuen

eta requiem-ari ez genion jaramonik egin,

sorgin belarra obratzen hasita baitzegoen.

 

Yuppyen lepotik barre handiak egin eta gero,

Espainiako Banketxe Nagusian

sartu ginen

—gu geu baikinen Zuzendari Nagusiak—.

Gure oroitzapenen sakanean

bi + bi ez ziren

hogeita sei baizik,

jende saiatua ginen eta

—euskaldun peto-petralak!—.

Ibaiko urak —gure nahasmenduaren ispilu?

iseka artean jaisten ziren bipil,

mendi garaiak betiko, penarik gabe,

atzean utzita.

 

© Xabier Galarreta    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko