A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

UHIN TXIKITXOAK SORTZEN NITUEN

        Xabier Galarreta , 2002

 

 

Urmahel batean,

non flotatzen ziren nire oroitzapenak, eta uretan

non islatzen ziren

udazkeneko zuhaitz harro-apal guztiak,

eta hostoak bien bitartean etengabe erortzen...

Nik, eskua urmahelean,

uhin txikitxoak sortzen nituen,

eta iratzarrita

amets egiten nuen,

eta, zergatik ez?

oraindik sinesten nuen

—behar nuen?

maitasunean.

 

Gizadiaren maitasun zahar eta erabilia...

Momentu hura hantxe geratu zitzaidan,

espaziotik kanpo bezala,

jainkozko edo izadizko esku batetik zintzilik,

ni nintzela sinetsi ezinik.

 

© Xabier Galarreta    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko