A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

NIRE PREKARIA KUTTUNA
      (2016)

EAU DE PARIS
      (2016)

GUTIZIA
      (2016)

UMORE BELTZA
      (2016)

AMETS BUSTIAK
      (2016)

  literaturaren zubitegia  

 

BIDE EZEZAGUNEAN

        Ekhine Eizagirre , 2016

 

 

Bide ezezagun hartan lehen agurra.

Aipatu ezineko herrietan gerritik helduta.

Parodia etengabean atzemangaitz.

Elkarren lurretan eta ezpain arrotzetan

egin genuen larrutan,

gureak ez ziren mapetan gerra.

 

Kale bazterreko puta lizunenen tankeran,

borroka prostituta ezin aipatuzko bidezidorretan.

Identitate performatuen aterpean,

intxaur oskolak bizkarrean egin genuen bizitza,

parodia etengabean —atzemangaitz—

babestuz askatasuna.

Burdinaren hotza gure azalaren betiereko maitale.

 

Aipatu ezineko jatetxe hartan

zerbitzatu ziguten zopa,

sasi metafora ezin hobea,

errezeta sekretua izan baita gure bizimodua.

Parodia etengabea,

bihotza eta bizitza hatz mamitan.

 

Aipatu ezineko herrian eskuak jasoz,

bide ezezagun hartan, azken agurra.

 

Amaitu da funtzioa.

Parodia krudela gure bizitza.

 

© Ekhine Eizagirre    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko