A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ARRAKALAK
      (2014)

ZURIA
      (2014)

IRAGANAZ
      (2014)

MALKO MARRAZTUAK
      (2014)

KANPOAN EURIA
      (2014)

  literaturaren zubitegia  

 

SAROIAK

        Unai Baztarrika , 2014

 

 

Denboran atzendutako saroietan

lizar zaharren azpian darraite harrespila biribilek.

 

Kareharrizko harlauza zorrotzak.

Eskuz paratuak, esku laztuz igurtziak, ezku antzinakoez burutuak.

Ertz borobildu ezinak, elkarren arteko dantza isilean.

Hormak, hormak ez ziren garaikoak.

Itxitura antigoalekoak, zabaltasunean, zelai itxi gaitzetan.

Etxekotutako ardi beltzen ziegak.

Urki eta altzezko baso heze galduen testigu isilak.

Jentilak eta jentil izan nahi ez zuten haien halabeharrezko adiskideak.

 

Jainko ahantzien otoitzen oihartzuna

  goi aingeruen bisiten harrabotsarekin nahasten da.

 

Gaur, egunsentian, eguzkiak laztandu itu

eta ahapeka entzun da

betierekoaren zurrumurru gardena.

 

                Gure barnean ahantzia dena.

                Iragandakoen Bizitza bera.

 

© Unai Baztarrika    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko