A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

EGURALDIAZ HIZKETAN I
      (2003)

TRENEAN ETORTZEARENA
      (2003)

MUTUON GRAMOLA
      (2003)

  literaturaren zubitegia  

 

ERAIKI DEZAGUN ETXEBIZITZA ALAI BAT

        Mikel Peruarena , 2003

 

 

Eraiki dezagun etxebizitza alai bat

                        gure maitasunarentzat

zabal ditzagun leihoak ateak eta dutxak

                      jaso ditzagun teilatu berdeak

pinta dezagun ezker-eskubi marra zentrifugo

                                urdin eta arrosekin

para ditzagun loreak harraskan

                         ganbarak ukuiluan eta

ohe borobilak katuentzat (oilategi bat

                         nahi dinat komunean!)

 

has gaitezen teilatutik eta ezarri ditzagun

                                zimenduak ohean

eraiki dezagun etxebizitza alai bat

                           hankaz gora hasita

gure maitasun aterpetuarentzat

                        (kontratista eta peoiak

doazela antzarak ferratzera)

                                 eros dezagun

material merke on eta politena

                lapurtuko ditugu edalontziak

tabernetatik (ez dinagu korronte

                           elektrikorik behar!)

 

has gaitezen teilatutik eta goitik behera

                                   hankaz gora

eraiki dezagun etxebizitza alai eta gorri bat

                        gure maitasunarentzat

ardoa bezala onduko da urteekin

                     eta inoiz beharrezko badu

defendatuko dugu otsoen kontra

                               sikatearen kontra

gure errepertorioko musu sutsuenekin

 

© Mikel Peruarena    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko