Egile berarenak:
Egile berarenak (+)
JETXI SABIŅ LURRERA
(1935)
GEZURRA DIRUDI
(1935)
MAITASUNA ETA ERIOTZA
(1935)
ANKEA EBAKIKO NUKE
(1936)
BIZITZA TA MAITASUNA
Gurutz Sarasola , 1935
Ene maitea oldoztu zazu orain
Zenbat ikaragarrizko zailtasunez
Alkar maitatuz gaudeken orain.
Jainkoak ludi au egin zuanean
Egin zuan bezela ez egin ere zezaken...
Ta alkar beiņere ez giņan ikusiko.
Beragan gizona sortu zuanean
Beste gauzen bat jarri zezaken...
Ta alkar beiņere ez giņan ikusiko.
[...]
Adan eta Eba bizi ziranean
Tximist bat erori bazitzaiyen,
Ta au gertatu ziteken...
Beiņere ez giņan ikusiko
Ordutik onuntz
Zenbat gizon diran ezkondu!
Ta ez diran ezkondu!
Zenbat ume izan dituzten!
Ta zenbat izan ez dituzten!...
Gu biok berriz ene maitea
Alkar irikiz ginjoazen bizitzaren atea!
[...]
Eta ara nun bein ludira
Zeure gorputza agertu zindun...
Eta nik ene biotza Zeuri agertzeko maitasun!
Eta orain, nere Gaurminia,
Galdetzen dizut bildurtzen etzeran
Jakitean (ta au da egizko egia)
Zein txiripaz ludi ontara etorri geran!
Txiripaz etorri gera mundura,
Eta jayo giņanetik eriotzaruntz goaz berriz
Berriz suntsitzera argietatik illunpenera.
Eta bitarte ontan ere zenbat neke,
Zenbat naigabe, zenbat eritasun ere,
Zenbat arrisku eriotzean erortzeko
Ta sekulan beiņere ez jaikitzeko!
Jainkoaren indarrez edo naimenez baizik,
Ta natorkizu maitasuna eskeņirik.
Eta orain bildurgarrizko ezetza
Ene maitasunaren uka siņesgaitza
Nere belarriak betirako zoratzera
Al doazte orain entzutera?
Zeure naimenaren ezetz aul bategaz
Deuseztera al goaz
Etorkizunaren aurka
Irabazi gendun burruka?
Dasazu ikaragarrizko «ez» itza!
Ta zailtasun oiek irixteko bizitza
Alper alperrak izan dira...
Eta nere gogo berbera
Eriotzak daramake beste ludira!
© Gurutz Sarasola