BESTERIK EZ

        Ramon Saizarbitoria , 1969

Oroitzen al zera?

Guk ez genekien deusere

eta zoriontsu ginen;

gure gorputz gazteen atrakzioa

eta maitasunaren beroa besterik

ez genuen sentitzen.

Deusere ez genekien

eta eguzkiak ere,

deus ere etzekiela,

St. Nicolas'eko dorre txatoa

soratzen zuen...

Aizeak, ikuitzen ere ez ginduzten,

notiziak ekarri eta eramaten

zituen. Guk deusere ez genekiena.

Harriak botatzen genituen

errekara. Akordatzen?

Gero, Shomberg'eko mendialdea

itzaltzen zenean,

sakelak kantatzen hastian,

maitasuna egiten genuen...

© Ramon Saizarbitoria