ERRIMIÑA

        Bingen Ametzaga , 1939

Zorionekoa, bai, kanpoan ibillita,

gizon ta lur asko ezagutuzkero,

errira itzultzen dana, sentzun onez yantzita,

beretarren artean bizia amaitzeko!

Ene, noiz berrikusi dagiket nire erriko

sukalde zarren kea, noiz Iturrieta,

yayo nintzan gela ta gure eskaratz garbiko

basterra, nire amak maitatu lekua?

Naiago dot txikitan ibilitako basterra

bertoko oroigai arro ta ederkunak baiño,

Sena baiño atseinago ene Gobela alperra,

eta London andiko ta Paris argiko

zoragarri gustiak ezetan ez dodaz,

itsas-gaiñeko Algorta ederran gomutaz.

© Bingen Ametzaga