IPUIN BATEZ

        Paloma Rodriguez-Miñambres , 2019

Errauskiñeren zapata nahi zenuke aurkitu, neskatxa?

Ala femme fatale nahiago duzu izan?

Ez diozu lentejuelaz beteriko etorkizun horri oratuko.

Erakusleihoetako luxuzko bertsetak

eta ñir-ñir egiten duten harribitxiak

               ez zaizkizu inoiz eskuragarri suertatuko.

Begia kliskatu dizun agureak

               ez zaitu zainduko.

Begia kliskatu dizun mutil gazteak

               ez dizu maitasun olerkirik idatziko.

               Balizko maitaleen begietan ezkutatzen dira

               otsoak.

Errauskiñe ameslari tuntunaren zapata bakarra

eskainiko dizu edadeko maitagarri batek.

               Jostailu apurtuen patuak itxaron bide dizu,

               ene lolita.

© Paloma Rodriguez-Miñambres