MANDRAGOREN ERROEK ZANGOETAN GORA

        Amaia Iturbide , 1986

Mandragoren erroek zangoetan gora

altxa eskuak! mehatxua jaurtikiz

xendera bat seinalatu dute

han non marrubiak masustak diren;

haurretatik denaz dastatzera ohitu behar denez gero

supitoki aldaerazi zaizkigu

zainen norabidea

odolaren umorea

ai, ama! zenbat ataletan existitzen garen

ez dakit burua non dudan ere

apika bota dut konturatzeke

mihia ateraz

mihi ubel hau diosalarik benetakoena

© Amaia Iturbide