ESKLABUAK

        Mikel Alberdi , 2011

lastoz beterik txalupak ibaian

esklabuen marrumak entzun dira

suhar-gaueko ilartitzetan

eta umetxo beltzak

jolasten dira erreka uherrean

basamortuko aireak olatuak sortzen ditu

han datoz gatzez betetako txalupak

Tombuktu zaharretik

zuhaitz adarrak buruan dituela pasatzen da norbait

lastozko etxolen paisaian

kazike txurien iratxoek bizirik diraute

zaharren memorian eta ametsetan...!

zapaltzaileen kuraia arma eta metalezkoa zen

eta euren eginak

Europako liburuetan kukutzen dituzte

hemen, urrutiko herrixketan kea ikusten da

janarien partitura sukaldatzeko egina

goseteetan gogaitutakoen itxaropen aldakorra

errekan arrantzaleek sareak arrainez betetzen dituzte

eta hizkuntza anitzen hotsak

entzuten hareazko mendien magaletan

edertasunak nire adimen neurotikoa

baretzen duen honetan

zimaurtegietatik esklabuen errautsak

altxatzen ikusten ditut

maitasunaren indarra aldarrikatuz

doilor diren istorioak baztertuz

menderatu ezingo diren jauregi maitaberak

Bani erreka ertzean eraikitzen

© Mikel Alberdi