BIDEA

        Jabi Santa Cruz , 2013

Onbera izan da patua gurekin.

Antsiatzen genituen elikagai preziatuak

begira nola datozen

zeruan barrena,

hegan.

Aseezina, ordea,

gure gose primitiboa.

Zeruak asko emanagatik

ez digu inoiz aski emango.

Egun batean lubakitik atera

eta bila joan beharko dugu

oinutsik agian,

biluzik agian,

haizeen menturan.

Ibiliz,

nola bestela,

nork bere askatasuna eraikiz,

sorterrira.

© Jabi Santa Cruz