A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

HERDOILAREN TRISTEZIAREKIN BATERA
      (1978)

HUTSALAK MY LOVE
      (1978)

TRIKUARENA
      (1990)

  literaturaren zubitegia  

 

HAREA

        Bernardo Atxaga , 1978

 

 

Harea lurrik anonimoena,

Hareaz eginak desparadisuaren zutabeak.

Eta Lurra planetaren airea ere

Hareazkoa,

Hareazkoak sateliteak,

Urano,

Venus ere

Harearena;

Harea egotziz bihotzek

Harea erakarriz. Harea.

Baina ez harea bakarrik.

Harearekin batera malko esentziala

Eta odol bete ontzi bat.

Eta harearen artean zuek ere, gutun

Horituak, erloju

Hautsiak,

Hiztegi liliputiarra,

Espartako ezkutu herdoildua,

Bazatozte zuek ere.

Baina arratsero galduz doa guztia

Zu edo argia bezala;

Gauero ez da harea baino geratzenIlargi krudelaren azpian. Harea.

Harea lurrik anonimoena,

Hareaz eginak desparadisuaren zutabeak.

 

© Bernardo Atxaga    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko