ZU GABEKO ARRATSETARA IRTETZEN NAIZENEAN

        Garikoitz Berasaluze , 1996

Zu gabeko arratsetara irtetzen naizenean

itsaso abandonatuegiak

ikusten ditut auzoetan sartzen

eta poemak trenetan iristen dira gauera

handik kontatzeko elurrezko karabanak

balak oraindik semaforoak direnean

mindura idazten da gure helbidean

hau ez da neutralen poesia

bota dezala lehen orria neutrala denak

ausentziak ohean besarkatzen dituen ezpaten moduan

zure begien ispilu zauritu nauzun zaldia

aldendutako malkoen lurralde zuriak

isladen konkista ilargia el dorado

bandera honen urrea desioak astintzen du haizetan

eta irratiak olatuak isurtzen ditu

pianoen artera

metroko linea bioletatik urrunago

odola bagoietan sartuta

hirian galtzen hasten denean

farolekin batera zabalduz hitz egin

bihotzak uharte bakartiak direla esanez

zure gaua da nire aberri eguna.

© Garikoitz Berasaluze