GARAI HAIETAKO ZORIONA

        Jakes Ahamendaburu , 1988

Eskuetan

asmamena eta iluna

belarrietan

The Pogues-en balada erkastua...

gaueko orbela bainintzan

noraez garbienean barrena

astelehenek dauzkaten erritmo nagian

malenkoni une amaigaitzetan

bakardadearen berri jakin ezinik

inkomunikazioaren oreka etenkorrean

argizpiaren gozotsua noiztarik noiztara

irentsiz

mihia izoztu

eta larrua ximurtu

egin zitzaizkidan...

Aldamenetako udainak gauzatzen

nituen bitartean

ekitik ilargira doan izarbide gordean

neure bihotz heldua zintzilik...

arrats gardenean

neure baikor orbaingabea esekita...

Egun urrun haietan

argazki baten urrutienean lez

gogoan daukat

nola nuen

argizagiaren begi xarmagarria hustu

eta bere jarioak

nola hezurretaraino bustitu ninduen...

...konturatu ezinean

batzutan zein zoriontsu naizen...

© Jakes Ahamendaburu