VIA CRUCIS

        Jesus Etxezarraga , 1978

Eguneroko igurtzialdiak trukuztutako ezpain jausiak jaso zituen emegalduak

ta gorri biziz jantzi zituen.

Sabel barrenetik gora eztarriraino igoten eutson akabubako kantzazinoari

joan eta irrifarre zahar bat jarri eutson.

Aurpegiko ximur luze ebagitsuak ta baltzunea herioen begiondo ilunduak hartu

ta Elena Rubinsteinen hautsekin estali zituen.

Hamabi urteko alabatxo bular ernebarria hartu eban ta amodioari haginkada barri bat emonik,

Bariku Santu gaba batez janari hotz-beroak ospatu zituezan Zabalburuko azpietan.

Gero, ile mataza more sugetsua ta arrakada eraztun basoa astindu

ta alkoholarekin nagiak atera ondoren

barriro ere bere okelak oheratu zituen.

© Jesus Etxezarraga