UMEAK IRINTZERA JOLASTEN DIREN BITARTEAN

        Joseba Alkalde , 1986

umeak irintzera jolasten diren bitartean

poemak idaztea behatzak pintatzea da, iraganean

                          odolez hezetuta

                                  eta

                          betiro ikaraz

      txirlak ernetzen dira tranbiletan,

mantekeri kirastua eta aintzira zaharrenak

galipotezko begiradetan barrena

                        linburtzen bezala

                        egun feriatuetan

lore moreak bipiatuz, gerlan bezala

Athos, Porthos eta Aramis-en ausardia irentsita

zigarroa pizten dugunean

                        ilunetan

arerioak nora apunta jakin dezan txupada egiterakoan.

© Joseba Alkalde