A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

1975, AZAROAK 20

        Mikel Zarate , 1978

 

 

Gasolina usainez eta grasaz beterik eman zidan,

ogi salutatua eskaintzen den bezelaxe,

periodiko bat ematen den bezelatsu,

bihotz zati bat erregalatzen den bezala,

hiriko kale arteko kutsaduraren itzalpetan;

txoferren esku dardaratiz eman zidan

zemento bloke zapalkorren hatzaparpetan

sorturiko basalorea,

bertso-paper zaharren poz berria:

 

          «Pedro Urtia ere

          ein da enteratu

          Franco nola daukagun

          oraintxe defuntu;

          Jainkoak eiten badeu

          gixontxu au santu,

          imini ein daiela

          zeruetan altu

          eztiten a barriro

          mundura bajatu».

 

Goizean eman zidan,

askatasun eguzkiaren goizean,

eta bertso-paper zahar baztertuen hauts negarrak

irribarre egin zuen disdiska.

 

© Mikel Zarate    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko