HUTSA ZEN MUNDUA

        Ibon Zabala , 1995

Hutsa zen mundua poema hura irakurri

Nuenean.

Lirika zer zen ulertu nuen,

Inork esan gabe.

Itsasoa lirika zen,

Kresala orobat,

Sua lirika zen

Kezko irudien dantzari,

Mundua lirika da.

Lirika, lirika, lirika

Maitasunak erakutsi zidan

Zeruaren urdina soilik ez dela polita.

Lau haizetara zabal bedi

Forma eta edukien errotik

Hitzaren musika,

Bihotzaren irrika.

Arkeogai ugari dago deskubritzeke

Han-hemenka

Ez dira kobazuloetako zaldi, orein

Marraztuak mugitzen

Eta poeta batek harkaitzean idatzirik

Utzi du

Zer den lirika,

Eta erakuts diezagula

Bizitzaren bizitza.

© Ibon Zabala