A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ALDIA (KRONOS)
      (1944)

HIL NADINEAN
      (1959)

OLERTI
      (1961)

ZER IKUSI URA IKASI
      (1963)

HARRIEK BADAKITE
      (1970)

  literaturaren zubitegia  

 

GIZONA KANTATZEN DUT

        Juan Inazio Goikoetxea, Gaztelu , 1968

 

 

Gizona kantatzen dut

bai

gizona

eta ez aingerua

eta ez santua

auek aldaretan dute lekua

gizona kantatzen dut

baņa utzi zaidazute aurretik

potroari lot daukan katea porrokatzen

utzi zaidazute mailluka

bai

mailluka

katen begiak hausten bana-banaka...

onezkero ixildu dira txoriak

onezkero loreak

ez dute usai onik ematen

onezkero gau beltzean datza lurra:

guardia, zer ordu da?

amabik?

ordubik?

au illunbe latza!

giltza behar dut

giltza

libratzeko katetan dagoen gizona

ez naiz lapurra

kide nauzu katetan dagoena bezela

idazu giltza

bai giltza

gero bai

gizona libratzen dudanean

egingo dugu zurruta...

baņa ez didate giltzik eman

eta

mailluka

bai

mailluka egin behar lana...

asi naiz mailluka

marrantatu zait eztarria

baņan

alperrik guzia

alperrik jotzen dute maillukadak

illunbetan galtzen dira

lo-zorro dago guardia

apoten lastai billakatu da mundua...

eta bitartean?

bitartean

katetan datza gizona

atzarria

urrutira zuzenduz begia...

horrela

nola

kantatu gizona?

nola?

alperrik jotzen badute maillukadak

illunbetan galtzen badira?

 

© Juan Inazio Goikoetxea, Gaztelu    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko