A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

HOGOI URTE...
      (1968)

BIHAR
      (1968)

AINTZINA
      (1968)

  literaturaren zubitegia  

 

GAZTERI BERRIA

        Daniel Landart , 1968

 

 

Gau beltzaren ondotik, huna goiz-alba...

Lano nahasiak urratzen dira eta,

Goizeko aire freskoa lagun,

Egun berria agertzen da!

 

Oilaxko gaztea, laster iratzartzen...

Ta goraki, kukuruka hasten,

Auzoko oilar guziek dutela laguntzen...

Goxoki ohe barnean lo zagon gaztea.

 

Jauzi batez da jeikitzen

Ta kantuari lotzen:

«Gu gira Euzkadiko gazteri berria,

Euzkadi bakarra da, gure Aberria».

 

Beztitzen da guztian,

Ta leihoak idekitzean

Senditzen du bihotzean:

Kuraia, goxotasun, bozkario,

Aberriarentzat amodio!

 

Mendiari beheiti, punpe ta jauzika!

Karriketan gaindi, kantuz ta hixtura!

Gazteri berria, jautsi da herrira,

Artetan botatuz zonbeit irrintzina!

 

Eskual Herrian barna

Hats bero bat bada.

Ez dakit nundik heldu den

Bainan zerbait bada,

        Zerbait berri,

Esperantza emaiten baitu gazteri!

 

Eskualdun gazteak ez gadue ez lo!

Munduko berrier egun guziez so...

Denbora jin eta, betan bermatzeko

Eskualdun bezala, Euzkotar izaiteko!

 

Kurri zaitezte, Eskual Herrian gaindi:

Hatxemanen dituzue, ainitz gazte berri

Azkar, airos, erne, gogotik lanean ari

 

Gurea izan dadin, orai beretik EUZKADI.

 

© Daniel Landart    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko