ELGARRI MUSUKAN

        Auxtin Zamora , 1984

Oraintxet berean, zirimoletan,

sortu gira besta huntan,

iduzki deno dantzan,

ilargi deno irri nigarretan,

bakarrik, iluna hurbiltzean,

lokartuko gira elgarri musukan.

Biziaren mainatak eta lakaioak gira,

subandaden ufatzaleak,

ingumeri gatz eta biperraren zerbitzaleak,

izarihintzeri «maite zaitut» xuxurlatzeak

suge mahatsen denbora,

zoin den laburra,

gure ametsen barneko inkaminak,

zoin diren hegalez beteak,

zurunbidetan, Mahuma xuriak,

erortzeko minarekin,

trebukatu dira,

eta, xekale landetan,

birbiratu, galetsien irudiak,

oraintxet berean, zirimoletan,

sortu gira, besta huntan,

iduzki deno dantzan,

ilargi deni irri nigarretan,

bakarrik, iluna hurbiltzean,

lokartuko gira, elgarri musukan?

© Auxtin Zamora