A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

KAFETTOA SEMINARIOAN
      (1923)

PIP' ETA TU
      (1923)

NERE MAKILA
      (1932)

DEIA
(Rythmes modernes)

      (1935)

  literaturaren zubitegia  

 

ENE KAIOLAN BI XORI

        Piarres Ithurralde , 1938

 

 

        Ene kaiolan bi xori

        biak betan kantuz ari...

 

Kaiola guziek bi xori:

ez badituzu aditzen, elkarra zaude orori!

Bi xori kaiolan egoki:

ez badituzu ikusten, itsua zira osoki!

 

        Bata herbail, bertzea on:

        gizona baitan bi gizon...

 

Kaiola guziek xori bat

lurreko parabisuaz nigarretan oroitua.

Kaiola guziek bertze bat

aingeru-kantu ederrez arrunt gogoetatua.

 

        Bi xoriñoek bi amets:

        bihi-amets, zeru-amets...

 

Kaiola guziek xori bat

iguzkiari huxtuka, egun berria sor dadin.

kaiola guziek bertze bat

ilargiari huxtuka, ilun egarriarekin.

 

        Bi xoriek beren deia:

        bizi ala hil-nahia...

 

Kaiola guziek xori bat

anaiaren adiskide izan nahi laitekena.

Kaiola guziek bertze bat

bere anaiaz halaber etsimenduan dagona.

 

        Kaiolan edozoin xorik

        ez egon nahi bakarrik!

 

Kaiola guziek bi xori

biak ihes joan beharrak beren presondegiari.

Gizon guziek bi gizon:

biak elgarrekin eta bat bertzea gabe ez on.

 

        Ene kaiolan bi xori:

        Jainkoa beha bieri...

 

© Piarres Ithurralde    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko