Egile berarenak:
SEX-40
(2000)
5-SEXKUPEKOA
(2000)
EZ DA IRAGANMINA, LAGUNOK
(2004)
AHOTS EPELAREN BILA
(2004)
60 URTEKO GAUA
(2011)
LAZUNEN POZA
(2011)
LITTLE ARRATIA KLUBEAN
(2011)
MAGGIE BERRIRO
(2011)
ERLETXETA FUCKTORY
Paddy Rekalde , 2011
9 prostituta eguzkipean errepide bazterretik ilaran,
lertxun lerdenak errekara bidean bezala,
autopista azpiko tunel ilun eta zikinetik
legearen txakur uniformatuek bota ostean
9 prostituta sex-karabana baten antzerakoan
hurrengo negozio bazter berri batera,
plazer ordainduaren sex businessa
sasi arteko sasiparking baten bila
9 prostituta sex country trip batean,
adatsak eta minigonak ortzadarraren pareko,
ondoko baserriko txakurrak zaunka
eta zelaietako behiak begira dituztela
9 prostituta belar eta asfaltoaren artetik
sujetadore dotore eta tanga estuak agerian,
eta momentuko soinu banda merke baten moduan,
autoen bozinak eta kamioien sirena zalapartatsuak
Euskadi estimula dio ondoko karteltzarrak,
haren kanpainaren barruan ote daude?
kresala usaina daukate euren besapeek?
sagardo zaporea euren hankartean?
Erletxeta Fucktory (Sex in the Basque Country)
halakoa izan ote zen Arantzazuko aparizioa?
hainbatek marketing izugarria iritziko zion kontuari
takoi luzeen gainean zebilen giza lurrikara ikusi barik
© Paddy Rekalde
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |