A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

ITZALAREKIN BATERA JAKIN NUEN

        Xabier Lete , 1992

 

 

Itzalarekin batera jakin nuen

galtzear zela izpirituaren dema harrigarria,

ezabatzen zirela begirada eta kontzientzia

ilunabar sentituaren atari irenskorrean.

Apailatzen nituen orduan itsuen jakituriaren kutxatik

ordenarik gabe birreskuraturiko bitxikeriak:

hitzen multzo etena, jantzi zaharkituak

ahantzitako abestiaren errepika, solas batzuen oihartzunak.

Eta bidearen azken bihurgunean berriro jakin nuen

poetak noizpait aipaturiko arbasoen etxea

itxaropenik gabeko mugarria zela:

haratago ibar hertsia eta mortua.

Hotzikaraz igaro nuen ataka estua

bilutsik arima, bihotza eta gogoa.

 

© Xabier Lete    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko